Shkodra është vlerësuar si një nga qytetet më të spikatura në rajon gjatë ceremonisë prestigjioze TEA Awards 2026, duke fituar tre çmime të rëndësishme në fushën e turizmit, artit dhe aktiviteteve sportive.

Bashkia Shkodër u shpall fituese në kategoritë: “City of Sports & Adventures 2026”, “TEA’s Most Desirable Local Event 2026”, “TEA’s Most Desirable Art Fest 2026”

    Këto vlerësime konfirmojnë rolin gjithnjë në rritje të Shkodër si një destinacion i rëndësishëm për turizmin, eventet kulturore dhe aktivitetet sportive, duke e kthyer qytetin në një pikë referimi të rëndësishme në Shqipëri dhe rajon.

    Për kryetarin e Bashkisë Shkodër, Benet Beci, këto çmime janë dëshmi e punës së vazhdueshme për ta kthyer Shkodrën në një qendër të rëndësishme të eventeve kulturore, sportive dhe turizmit.

    Ndërkohë, drejtoresha e Agjencia Kombëtare e Turizmit, Zana Çela, dhe ministri Blendi Gonxhja, vlerësuan rëndësinë e këtij eventi si një tregues të rritjes së turizmit dhe promovimit digjital të Shqipërisë.

    Vlerësimet në “TEA Awards 2026” konsiderohen një sukses i rëndësishëm për institucionet, bizneset dhe gjithë komunitetin, ndërsa Shkodra po konsolidohet gjithnjë e më shumë si një qytet që ndërthur turizmin, kulturën, sportin dhe traditën.

    Ky sukses vjen si rezultat i promovimit të vazhdueshëm të qytetit dhe organizimit të aktiviteteve që kanë rritur vëmendjen kombëtare dhe ndërkombëtare ndaj Shkodrës. Gjatë ceremonisë u ndanë 35 çmime kryesore për qytetet më aktive në turizëm, eventet më të kërkuara dhe atraksionet turistike më të klikuara në platformën digjitale TEA gjatë periudhës 2024–2026.