Në Katedralen e Shën Shtjefnit në Shkodër u kremtua Mesha e Shenjtë, e udhëhequr nga Eminenca e Tij, Kardinali Ernest Simoni Troshani.
Gjatë fjalës së tij përpara besimtarëve, Kardinali Troshani përcolli mesazhe për ruajtjen e besimit dhe të vlerave shpirtërore. Ai u shpreh se shoqëria e sotme po përballet me ndikimin gjithnjë e më të madh të materializmit dhe modernizmit, duke u larguar nga vlerat njerëzore dhe fetare.
Në liturgjinë e shenjtë morën pjesë qindra besimtarë, të cilët u bashkuan në lutje dhe ndoqën me vëmendje mesazhet e përcjella nga Kardinali.
Mesha u zhvillua në një atmosferë solemniteti dhe përkushtimi, duke sjellë edhe një herë në vëmendje rëndësinë e besimit, paqes dhe solidaritetit në shoqëri.