Ndërkombëtarizimi dhe zhvillimi i kërkimit shkencor mbeten dy nga prioritetet kryesore të Universitetit “Luigj Gurakuqi” për vitet në vijim. Rektorja, prof. dr. Blerta Dragusha, theksoi se studenti do të jetë në qendër të çdo projekti dhe nisme që synon rritjen e cilësisë së mësimdhënies dhe zgjerimin e bashkëpunimeve me universitetet partnere.
Në kuadër të strategjisë së ndërkombëtarizimit, universiteti do të ofrojë edhe programe të reja studimi, të cilat do të nisin me vitin e ri akademik, duke krijuar më shumë mundësi për studentët dhe duke iu përgjigjur kërkesave të tregut të punës.
Universiteti “Luigj Gurakuqi” synon të forcojë cilësinë e mësimdhënies, kërkimit shkencor dhe bashkëpunimit ndërkombëtar në vitet e ardhshme.