Janë bërë publike 16 këngët e përzgjedhura për të marrë pjesë në Festivalin e 11-të të Këngës “Luleborë”, një prej ngjarjeve muzikore që lidhet me traditën artistike të qytetit të Shkodrës.
Përzgjedhja është bërë pas ftesës së hapur për pjesëmarrje, ndërsa lista përfshin krijime muzikore nga autorë të ndryshëm, mes të cilëve edhe emra të njohur të muzikës shkodrane.
Në listën e publikuar bëjnë pjesë këto këngë:
- “Rozafës” – Endrit Shani
- “Një karrige pret” – Andi Unaza
- “Jehon pa za” – Halit Shpuza
- “Thuaj se sa shumë më do” – Leon Lekaj
- “Tango nën hane” – Ilir Zoga
- “Nuk ngjallen historitë” – Roland Guli
- “T’kam kerku” – Eugjen Marku
- “Edhe ajri merr aromë” – Elvin Gajtani
- “Ka emrin dashuri” – Osman Mula
- “Sje askund” – Enis Mullaj
- “Ti Shkoder je me e bukura ne bote” – Bardhyl Hysa
- “Kthehem” – Arian Daija
- “Te du” – Etmond Mancaku
- “Dedikim” – Jetmir Mehmedaj
- “Lule Shkodre” – Mikea Kakusi
- “Drite ne naten time” – Rinor Ukumeri
Festivali “Luleborë” synon të mbajë gjallë traditën e këngës qytetare shkodrane, duke krijuar një hapësirë për krijime të reja muzikore dhe për vazhdimësinë e kësaj trashëgimie artistike.
Me shpalljen e këngëve të përzgjedhura, festivali hedh një tjetër hap drejt prezantimit të krijimtarisë muzikore që do të jetë pjesë e këtij edicioni.