Ditët e humorit janë rikthyer pas 30 vitesh në Shkodër në formën e një festivali. Para publikut shkodran, në skenën e teatrit “Migjeni” u ngjitën disa nga ikonat e humorit të këtij qyteti si: Zyliha Miloti, Besnik Çinari, Drande Xhaj, Edmond Halili dhe grupi i aktorëve të rinj.

Në natën e parë të festivalit ishin pjesëmarrës me zhanrin e stand up komedi Gent Hazizi dhe Besnik Mustafaj. Sevdai Rodogoshi nga Gjakova dhe Sejfulla Myftari nga Berati i shtuan ngjyrat kësaj mbrëmje në Shkodër.

Organizimi i këtij festivali synon të rikthejë një traditë të munguar në Shkodër. Festivali Mbarëkombëtar i Humorit do të vijojë deri më datë 15 dhjetor.