Kalaja e Shkodrës vijon të jetë një nga destinacionet më të preferuara për turistët në vend. Sipas të dhënave të publikuara nga Blendi Gonxhja, gjatë tremujorit të parë të vitit 2026, Kalaja e Shkodrës renditet si siti më i vizituar në Shqipëri, me 16,309 vizitorë.

Ky interes i lartë e vendos Rozafën në krye të listës së monumenteve kulturore, duke lënë pas destinacione të rëndësishme si muzeu i Krujës dhe kalaja e Gjirokastrës. Rritja e vizitave lidhet me shtimin e turistëve të huaj, por edhe me promovimin e trashëgimisë kulturore dhe investimet në infrastrukturë.

Shifrat konfirmojnë se Kalaja e Shkodrës mbetet një simbol i fortë i turizmit kulturor, duke e kthyer qytetin në një pikë referimi për vizitorët që duan të njohin historinë dhe identitetin shqiptar.