Vllaznia në volejboll për meshkuj është mundur në transfertë nga Erzeni me rezultatin 3-1 me sete, në një përballje të luftuar deri në pikët e fundit. Ndeshja është shoqëruar me tension në parket, ku skuadra shkodrane ka kontestuar disa vendime të arbitrimit, që sipas tyre kanë ndikuar në rrjedhën e takimit.

Pavarësisht humbjes, trajneri Artan Kalaja thekson se objektivi për titullin kampion mbetet i pandryshuar. Ai u shpreh se ekipi do të analizojë gabimet dhe do të reagojë menjëherë në sfidat e radhës.

Kuqeblutë kanë dy ndeshje vendimtare ndaj Tiranës dhe Partizanit, që pritet të ndikojnë drejtpërdrejt në garën për kreun e renditjes.

Me kampionatin që hyn në një fazë të rëndësishme, Vllaznia mbetet një nga ekipet pretendente për titullin, ndërsa synon kthesën në javët në vijim.