Në Shkodër po promovohen vazhdimisht botime të reja dhe autorë të rinj, duke sjellë një gjallëri të veçantë në jetën letrare të qytetit. Por pyetja që lind është: çfarë letërsie po konsumojmë sot?

Kryetari i Shoqatës së Shkrimtarëve Shkodër, Zija Vukaj, thekson se kjo periudhë po karakterizohet nga një larmi e madhe formash krijimtarie, e cila reflektohet në një hierarki të qartë vlerash.

Më tej, Vukaj nënvizon se në këtë proces një rol të rëndësishëm ka edhe kritika letrare, e cila ndihmon lexuesin të orientohet dhe të dallojë vlerat e vërteta nga botimet e shumta që qarkullojnë sot.

Ky “mbiprodhim” ngre nevojën për të reflektuar mbi cilësinë e letërsisë që prodhohet dhe lexohet sot, si edhe mbi forcimin e kritikës letrare si një mjet thelbësor në jetën kulturore.