Shkarkimi i dy aktorëve të trupës së Teatrit “Migjeni” në Shkodër, Simon Shkreli dhe Vladimir Doda, ka nxitur reagime të forta publike, të cilët akuzojnë Bashkinë Shkodër për vendime të padrejta, me prapavijë personale dhe politike.

Sipas një letre publike të publikuar nga aktori dhe gazetari Simon Shkreli, motivacioni zyrtar i Bashkisë për largimin e tij nga puna ka qenë “mungesë efikasiteti, efektiviteti, produktiviteti dhe cilësie në punë”. Por Shkreli e konsideron këtë një “letër bakalli”, të hartuar nga pseudo-artistë që sot mbajnë pozita drejtuese. Ai thekson se do ta sfidojë këtë vendim në çdo instancë ligjore dhe nuk do të tërhiqet nga beteja e tij për dinjitet.

“Unë nuk do të dorëzohem! Do t’u faktoj të kundërtën e pretendimeve të tyre. Ata paskan marrë edhe peshoren e cilësisë së artit të aktrimit,” – shkruan ndër të tjera Doda, i cili kujton se gjatë viteve të punës në Teatrin Migjeni ka kontribuar si aktor, regjisor dhe autor tekstesh origjinale, duke vënë në skenë mbi 8 shfaqje të ndryshme, brenda dhe jashtë Shkodrës.

Aktori akuzon Zyrën e Kulturës në Bashkinë Shkodër për një qasje personale e politike në këtë vendim. Ai thekson se nuk ka munguar asnjëherë në punë, ka fituar audicionet e vetme të zhvilluara nga regjisorë të huaj dhe ka qenë aktiv në prodhime teatrore, artistike dhe sociale, edhe jashtë strukturave të institucionit.

“Po, unë jam profesionist. Aktor në radhë të parë, pastaj regjisor. Di të bëj punën time, kam shkruar, kam drejtuar dhe nuk kam refuzuar asnjë detyrë,” thekson ndër të tjera Doda, duke e konsideruar vendimin si një padrejtësi e rëndë dhe shenjë të degradimit institucional në fushën e artit.

Sipas tij, shkarkimi është pjesë e një fushate më të gjerë për dobësimin dhe centralizimin e Teatrit “Migjeni”, që sipas aktorit ka nisur që me heqjen e autonomisë së tij si institucion, një vit më parë.

Reagimi i aktorit Simon Shkreli

” Mungese efikasitetit, efektivitetit, produktivitetit dhe cilesise ne pune”!
Ky eshte motivacioni qe burokratet e Bashkise Shkoder kane gjetur si shkak per te nisur proceduren e shkarkimit tim nga puna si aktor i trupes se Teatrit ” Migjeni” ne Shkoder.
Nje leter bakalli, sipas nje relacioni te pergatitur nga Zyra e Kultures ne Bashkine e Shkodres, e gatuar nga pseudo-artist, te cilet sot kane vesh petkun e zyrtarit, me paskan vleresuar edhe cilesine dhe produktivitetit. Dhe aftesine time skenike.
Por une nuk do dorezohem, do i faktoj te kunderten e pretendimeve te tyre, te cilet paskan marr edhe peshoren e cilesise se artit te aktrimit.
Hijet e zeza qe po i sillen Teatrit ” Migjeni” e nisen me mua dhe me kolegun Vladimir Dodaj, ate qe e kane nisur nje vit me pare kur i hoqen autonomine teatrit, duke e shkrire si institucion te varesise.
Projektet ogurzeza te individeve hakmarres, demet qe i jane shkaktuar keto dy vite, dhe do shkaktohen ne te ardhmen do jene aq te medha.
Ndersa une dinjitetin tim do e mbroj me çdo kusht.
Nuk do beje asnje hap pas!
Ditet ne vazhdim e deri ne fund do jem perballe padrejtesise qe me eshte bere.
Individet pergjegjes, do kene mundesine te pergjigjen para organeve te ligjit per paligjshmerite e tyre.
As une s’ do e kem personale!

Të njëjtat shqetësime i ka ndarë edhe aktori tjetër i larguar nga trupa, Vladimir Doda, i cili konsideron vendimin si të paprecedentë dhe jo të justifikuar me bazë profesionale.

Artistët deklarojnë se nuk do ta bëjnë personale, por do të kërkojnë përballje të drejtë përmes institucioneve ligjore. Reagimet e tyre kanë marrë vëmendje të gjerë në rrjetet sociale dhe pritet të ngjallin debat mbi ndërhyrjen e politikës në institucionet e kulturës.

Reagimi i aktorit Vladimir Doda

Dje isha në takim zyrtar për largimin tim nga puna si aktor i trupës së Teatrit Migjeni. Pas gati 6 vitesh që jam kthyer në Shqipëri dhe kam filluar të bashkëpunoj si aktor, dhe mëpas i punësuar me kontratë të përhershme. Jam Vladimir Doda, 42 vjeç, aktor. I diplomuar fillimisht në Universitetin “La Sapienza” në Romë dhe mëpas në Civica Accademia Nico Pepe, Udine.
Kam ndjekur specializime pasuniversitare pranë CTA La Sapienza, Centro Teatrale Santa Cristina (Perugia), ERT Emilia Romagna Teatro (Modena), Accademia Teatrale Veneta (Venezia) etj. Kjo është një përmbledhje e formimit tim profesional. Përpara se të kthehesha përfundimisht në Shqipëri në vitin 2019, kam performuar kryesisht në Itali, por edhe në Francë, Rusi, Poloni dhe Rumani.
Gjatë kohes në Teatrin Migjeni kam bërë 8 role në 8 shfaqje të ndryshme ndër vite brënda si pjesë e trupës. Si regjisor dhe autor kam vën për herë të parë një shfaqje të Commedia dell’Arte me 10 aktorë të rinj, tekst original me subjekt shqiptar dhe regji timen. Një shfaqje në rastin e koliqianes me trupë mikse (aktor profesionist dhe amator). Kam vën në skenë si regjisor dhe autor 5 shfaqje me dramaturgji origjinale apo përshtatje, me të rinjt e gjimnazeve të Shkodrës (Shkolla austriake, Jordan Misja, Hamdi Bushati dhe Oso Kuka). Natën e tërmetit të 26 nëntorit të 2019, kam qenë në dhomën time në teatër duke shkruajtur deri 6 të mëngjesit . Në korrik të 2020 jam infektuar me covid ndërsa provoja për një shfaqje me regjisorin Kushtrim Bekteshi (i vetmi regjisor shqiptar qe ka bër audicion në 5 vite), gjithmonë brenda Teatrit Migjeni. Gjatë këtyre viteve jam ftohur dy herë gjatë periudhës së provave në dimër, për kushtet e teatrit nuk po hy të shkruaj. Kjo për sa i përket aktivitetit brenda Teatrit Migjeni. Në takimin me Drejtoreshën e Kulturës znj. Sara Smaja, më është komunikuar se treguesit për matjen e performancës (si punonjës në varësi të Bashkisë) janë numri apo sasia e roleve, përkatësisht 2 role në 2 vite dhe 0 në gjysmën e këtij viti. Por audicione nga regjisorët shqiptar nuk janë mbajtur gjatë kësaj periudhe. Dy audicionet nga regjisorët e huaj ku unë kam marrë pjesë i kam fituar. Kolegut Simon Shkreli nuk i është dhën as mundësia për të marrë pjes në audicion me limitin e moshës ne njerin prej rasteve. Duke filluar nga janari i 2023 dhe në vazhdim. Të vetmet audicione – pra konkurs i hapur ku një aktor konkuron me aktore të tjerë për rolin që i jepet nga regjisori – për shfaqje që janë zhvilluar në Teatrin Migjeni dhe na janë ofruar si aktor nga janari i vitit 2023, janë shfaqja “Vizita” e Davide Iodice dhe shfaqja “Opera për 3 grosh” e regjisorit Kuniaki Ida. Shfaqja e regjisorit Davide Iodice prej 2 vitesh, numëron tashmë mbi 15 repriza dhe 4 festivale kombëtare dhe ndërkombëtare dhe une vazhdoj te jem pjese. Jashtë Teatrit Migjeni kam vën në skenë me organizata, apo ente teatrore të tjera, 3 shfaqje me të rinj të Lezhës dhe Kurbinit, dhe me profesionistë në Durrës dhe Tiranë. Shfaqjen “Mede(a)t!” vitin e kaluar e kemi dhën në Tiranë, Shkodër, Rrëshen, Rrogozhine dhe Lezhë, pra dhe qytete ku teatri lëviz më pak. Ashtu siç kam qenë pjesë në produksione kinematografike të ndryshme, vit pas viti, monologje, lexime skenike etj. Për CV nuk po zgjatem më por gjehet fare lehtë online, ashtu si gjithë aktiviteti im. “Mungesë efikasiteti, efektiviteti, produktiviteti dhe cilësie në punë” është arsyetimi i letrës nga drejt. Sara Smaja. Sara Smaja u mundua dje të shkarkonte (formalisht fajin) tek kryetari dhe të dy po thonin: “mos e merr personale dhe as si politike”, gjë që unë as nuk e kisha përmendur deri aty. Unë i takoj njerëzit nuk e kam problem, dhe ua them gjërat përballë, ashtu si në këtë rast ua thashë se po gaboheshin. A e kan personale? Nuk e di, nuk kam pasur kurrë as përplasje as debate me të por kam shprehur rezervat e mia kur kandidoi per drejtor teatri.
A eshte vendim politik? Gjykojeni vete. Kryeministri u ka dhën urdhër largimesh, ashtu siç në shkallë më të zvogluar kryetarët dhe drejtorat justifikohen me të njëjtën metodë. Kam qenë gjithmonë kundër këtij regjimi (se minimumi diktaturë mikse është). Ndër vite kam protestuar brënda mundësive të mia. Që nga protesta e armëve kimike e deri te protestat e studentëve në 2018, që nga protesta për TK dhe deri në menaxhimin e Pandemisë, për vrasjen e Ardit Gjoklajt, abuzimet me kullat dhe aferat korruptive të ndryshme. Me modesti në 50-60 % të protestave jam përpjekur të jem si qytetar. Nuk kam pasur kurrë tesër partie, kam kërkuar atë të simpatizantit për të votuar në zgjedhjet për Rithemelimin e PD. Po e kam bërë dhe i qëndroj akoma sepse besoj në parime, dhe dëmi (kuptohej) po i bëhej Shqipërisë dhe jo thjeshtë PD-se. Ashtu siç kam qenë komisioner në zgjedhjet e fundit ne Lezhe sepse në raste të vështira duhet dhën kontribut qytetar. Po, unë jam profesionist i fushës time. Aktor në radhë të parë, pastaj regjisor. Di të bëj punën time dhe e bëj me dëshirë kur më krijohen kushtet minimale. Di të shkruaj një dramaturgji, në modestinë time, dhe e kam dëshmuar se di te punoj shumë mirë. Kam drejtuar të rinj, apo amator dhe profesionista në skenë. Di edhe të lidh dritat vetë po qe nevoja. Nuk kam refuzuar punë nga istitucioni ku kam punuar, madje kam propozuar vazhdimisht. Nuk kam mungesa në punë ashtu siç nuk kam pasur pretendime për sa i përket kushteve të teatrit por kam shprehur ankesat e mia për përmirësim.
Mjaft me fasada se po bëni shtet. Jeni thjeshtë njerëz të ulët dhe po krijoni breza monstrash me shembujt që jepni. Sot pushohem nga puna nga znj. Sara Smaja, një e frustruar që ka dhën dorëheqjen pas disa vrejtjesh kur ka punuar vete si aktore në Teatrin Migjeni. Formalisht as këtë nuk e bëri me mua. Jam kthyer në Shqipëri si relativisht i ri (36 vjeç asokohe) mund edhe të rilargohem në moshën 42 vjeçare.
Nuk kam parti prapa, kam bindjet e mia dhe, sidomos, nuk pajtohem me mënyrën si qeverisni dhe drejtoni këtë vend.