Një mundësi e artë për të gjithë krijuesit e muzikës shqiptare! Bashkia Shkodër ka hapur thirrjen zyrtare për pjesëmarrje në edicionin e radhës të Festivalit Muzikor “Luleborë”, duke ftuar kompozitorë, tekstshkrues, këngëtarë dhe grupe muzikore të paraqesin këngët e tyre të reja.

Afati i fundit për dorëzim: 15 Korrik 2025

Dorëzimi mund të bëhet në:
• Zyra e Protokoll/Arkivës, Bashkia Shkodër
• Email: kultura@bashkiashkoder.gov.al
Formatet e pranueshme: CD, MP3 ose WAV

Kriteret e pjesëmarrjes:
• Kënga duhet të jetë e papublikuar më parë
• Të përmbajë arranxhimin dhe zërin e interpretuesit (demo përfundimtare)
• Të dorëzohen edhe: partitura muzikore, teksti i plotë, si dhe emri i këngëtarit
• Pranohen maksimumi 1 këngë për çdo kompozitor dhe 2 tekste për çdo autor teksti

Këngët e publikuara më parë nuk do të merren në konsideratë.

“Luleborë” është një hapësirë që i jep jetë muzikës së re shqiptare dhe promovon talentet e reja në skenën artistike. Mos e humbni mundësinë për të qenë pjesë e këtij festivali të veçantë që mbledh zërat më premtues të muzikës shqiptare në Shkodër.

Për më shumë informacione, kontaktoni Bashkinë Shkodër.