Shkodra do të përfaqësojë sërish Shqipërinë në një nga ngjarjet më të rëndësishme ndërkombëtare për artistët me aftësi ndryshe. Banda Muzikore “The Door”, e përbërë nga 22 instrumentistë me aftësi të kufizuara, do të marrë pjesë për herë të pestë në Festivalin Ndërkombëtar të Bandave Muzikore për PAK, që zhvillohet çdo tre vite në Norvegji.

Ky festival, i njohur për promovimin e diversitetit dhe fuqizimit përmes muzikës, mbledh grupe nga e gjithë bota.

Formacioni i veçantë funksionon prej vitesh duke u angazhuar në përfshirjen sociale përmes artit dhe edukimit. Repertori që do të prezantohet këtë vit përfshin vepra të njohura të muzikës shqiptare dhe ndërkombëtare.

Pjesëmarrja e bandës “The Door” në këtë festival është një dëshmi e qartë se Shkodra mbetet një qendër e gjallë e kulturës dhe përfshirjes, ku arti i jep zë edhe atyre që shpesh nuk dëgjohen.