Politikat e qeverisjes lokale shoqëruar me projekte dhe eksperienca inovacionesh për zhvillimin e turizmit të qendrueshëm në qarkun e Shkodrës ishin temë diskutimi në workshop-in “Zgjidhje inovative për turizëm të qendrueshëm”. Qëllimi i organizimit të tij është krijimi i një platforme bashkëpunimi midis aktorëve të lidhur me fushën e turizmit.

Turizmi dhe zhvillimi i tij ka përpara disa sfida dhe adresimi i duhur i tyre është me rëndësi për të ardhmen. Ky është viti i katërt i organizimit të workshop-it nga Departamenti i Turizmit të Fakultetit Ekonomik në Universitetin “Luigj Gurakuqi”.