Drejtuar nga Markelian Kapidani, studentët e Jazz-it do të performojnë në vende të ndryshme të qytetit. Edhe dega Klasike, nën drejtimin e violinistit Paçalin Pavaci, një emër i shquar në skenat ndërkombëtare, vazhdon të zhvillojë talente të reja.

Leksionet e fizarmonikës, me muzikantin ndërkombëtar Bardh Jakova, do të sjellin harmoninë e tingujve të Ballkanit, ndërsa violinistja Brixhilda Martini, themeluesja e shkollës “Mozart 2000” në Firence, do të frymëzojë të vegjlit për profesionin më të bukur në botë.

Këtë vit, “Multimedia” është risia, ku të rinjtë e “Rrok Academy” do të marrin leksione për fotografi dhe video nga specialistë të ArtCom Studio të drejtuar nga Fatjon Çeliku.

“Shkodra Sounds”do të nisë më 24 Gusht me nxënësit e Rrok Academy. Bardh Jakova do të udhëheqë nxënësit e fizarmonikës, Paçalin Zef Pavaci nxënësit e klasikes, dhe Brixhilda Martini nxënësit e Rrok Academy Junior. Eventi përfundon më 1 Shtator me koncertin e studentëve të Rrok Academy Jazz.

Ky festival, organizuar nga Shoqata Kulturore “Rrok Jakaj” dhe Optional Music International, mbështetur nga Bashkia Shkodër, Ministria e Ekonomisë, Kulturës dhe Inovacionit, Instituti Italian i Kulturës, Thomastik Infeld, UCIMR, GO2 Albania dhe partnerët e tjerë të rëndësishëm, ka për qëllim të ringjallë ndjenjën e lirisë kulturore në qytetin me tradita të pasura muzikore dhe artistike.