“Festivali i Kitarave” ka shënuar edicionin e tetë të tij duke vijuar rrugën e traditës, iniciativë e muzikantit Denis Bizhga. Pasi ka lëvizur në disa nga qytetet e Shqipërisë, ky festival ndaloi për herë të dytë në Shkodër ku Muzeu Historik u bë ambjenti mikpritës i tij.

Organizatori dhe Drejtori Artistik i “Albania Guitar Festival” Denis Bizhga thotë se ky festival i shërben edhe promovimit të objekteve të trashëgimisë kulturore të vendit.

Pjesë e këtij edicioni u bë edhe instrumentisti nga Spanja Eduardo Inestal. “Festivali i Kitarave” në këtë edicion të tetë do vijojë rrugëtimin edhe në qytete të tjera të vendit duke i falur kënaqësi ndjekësve të tij.