“Mbjellja e pemëve”, produksioni filmik me metrazh të shkurtër i vitit 2021 u shfaq së fundmi në mjediset e Qendrës Rinore “Atelie”. Filmi i mundësuar nga Qendra Kombëtare e Kinematografisë Shqiptare u soll në Shkodër nga Qendra për Hapje dhe Dialog.

Filmi i regjisorit Fabio Seferi trajton një ngjarje të vërtetë gjatë periudhës së monizmit, një djalë i cili zihet në befasi duke lexuar një libër të letërsisë së ndaluar. Ky është filmi i fundit ku pjesë e tij është aktori i ndjerë Gulielm Radoja.

Pas filmit, të rinjtë shprehen pozitivisht mbi ndjesitë që morën nga ai. Filmi me metrazh të shkurtër “Mbjellja e pemëve” u bë po ashtu pjesë e katalogut të 75-të të festivalit të filmit në Kanë.